茶走

营业中

休息中

见到新开呢间茶走真系超级多人，仲要有好多唔同优惠，咁啱又买一送一，就去睇吓。除咗好多款唔同嘅奶茶，仲有蛋糕，同埋蛋卷。我好钟意佢哋个杯，上面写住我好撚钟意香港，好有心思。佢嘅奶茶杯都好结实，饮管都好结实，唔会好似其他饮管咁样插唔到一杯奶茶度。🧋招牌茶走呢杯茶走真系名不虚传，丝袜奶茶唔用淡奶，改用炼奶，所以佢奶香十足，啱啱好岩我啲口味。茶底带少少苦涩味，同奶嘅香滑完美融合，饮落去有种怀旧feel！🍓荔枝青茶呢杯荔枝青茶好清新，荔枝味非常香甜，入面仲要超级多果肉，一啲都唔吝啬。配合清茶底，唔会太腻。饮落去有阵阵水果香，清新解渴。🧀伯爵茶巴斯克呢个巴斯克芝士蛋糕比较结实，外层微焦。伯爵茶嘅香气渗入芝士蛋糕中，成个甜品唔会太甜，味道非常平衡。