金二少冰室

营业中

休息中

放工之后，谂住揾间冰室快食晚餐就回家。侍应好有礼貌，亲自帮我点餐，仲介绍奶茶加埋只熊仔可以打吓卡。咁我本身都想试吓佢个奶茶嘅！叫左招牌荷叶土鱿肉饼蒸饭， 加埋冰冻熊仔奶茶。首先黎左个冰冻熊仔奶茶，叫晚餐就加$18有樽装奶茶，加$19就有埋只熊仔俾你打卡。奶茶入口系浓厚嘅，奶味偏重，甜度适中，只熊仔打卡系几靓，半个钟都未溶哂，有排你影😂晚餐叫左个招牌荷叶土鱿肉饼蒸饭10分钟内就已上菜，本身想叫少饭（以为佢系分开上）， 侍应话唔得，唔系分开，冇得少饭。上菜系原个上，有个笼仔上有块荷叶，再放蒸饭上有肉饼同埋几旧土鱿。 蒸饭同肉饼系热嘅，肉饼一入口就溶，味道正常，土鱿就常温啦，不过硬嘅。最厉害系块荷叶，系冻架🤣因为蒸饭冇乜荷叶味，所以就好奇摸吓块荷叶😂点知冻嘅，即系落单先执埋一齐啦！咁咪可以少饭啰😂环境唔大，如果你拎住一大袋野就要打横先行到，唔算宽敞啰。咁平日文晚都唔算多人，可以慢慢坐。另外，一路食一路有2只蚊定乌蝇飞黎飞去都唔走，咁睇应该唔会有下次啦。附近有好多餐厅可选择。