基哥火鍋小廚 (已結業)

朋友推介我去新开既基哥火锅小厨试吓基哥招牌菜，果日去到舖头门口，冇咩特别装修，系地道港式小店铺设，但胜在地方干干净净，店员服务殷勤，在推介下，点咗基哥招牌菜：XO金沙粉丝蟹煲同蒜子乳香爆白鳝煲，而在点XO金沙粉丝蟹煲个阵，店员更展示由菲律宾空运泥香港既特大蟹，原来特大蟹一只系1斤半以上，因为哩个size特别鲜味。等咗约15分钟蟹煲香喷喷、喳喳声搬到上枱 ，哗打开煲盖只蟹真系好大只，由其系个蟹钳, 好似拳头咁大, 蟹肉鲜甜弹牙,而蟹膏同蟹汁再加埋虾米仔、肉碎渗入粉丝里面，食落口口感丰富, 辣辣地甘, 好野味另外，同样都系喳喳声、香喷喷咁搬到上枱 嘅蒜子乳香爆白鳝煲同样甘正，一打开煲盖个种名符其实嘅乳香，真系好香，谂唔到腐乳可以煮鳝，同我以前食鳝煲嘅感觉完全唔同，以前食鳝好容易漏，但系哩个煮法就完全唔会，值得再食!虽然配菜就少左d, 但个招牌煲就真系好好味! 下次再试下其他菜式!