鳳華路邊雞飯店 (已結業)

想试路边鸡很耐，但每次约食饭都唔记得佢，咁啱今日朋友即兴约食饭，地点正正系路边鸡，正好试试佢⋯夜晚7:00到达，被安排坐隔离细舖，系第一枱客人，先讲环境，店舖属旧式食饭店装修，相信已有一定歴史，枱面铺有多层枱布，整体尚算干净。我哋一枱四人，叫咗一只葱蒜鸡+鸡什丶虾酱通菜丶黄金苦瓜丶豉油王炒面。葱蒜鸡：鸡什铺面，上面再有葱蒜，香而不油腻，不愧为店舖招牌菜。虾酱通菜：新鲜，炒得干身。黄金苦瓜：香浓咸蛋黄味，略嫌太多油，唔够干身，上枱时碟面重见到啲油。豉油王炒面：正，干身，够香够味！另加4枝玻璃樽装汽水，1枝超冰冻大啤（樽面有冰雹，一开盖，啤酒嘅二氧化碳涌出，遇到低温，立即变冰，饮得超爽快！）四人食饭，埋单$685，抵食！菜牌写有多款一人分量炖汤由＄35-$75，下次再试。