Catch.

营业中

休息中

已经系第二次黎哩间餐厅。餐厅定价同高街嘅餐厅比较，相对较高，而且地点唔算好热闹，所以就算Lunch time 都坐唔满。每个餐都包餐汤/沙律、甜品同饮品。朋友迟少少到，我落咗单先。职员放低餐汤之后，过咗一阵，见我朋友仲未到，问我洗唔洗收起个汤先，等到朋友到咗再serve过，好细心。SPICY CRAB PASTA哩个系佢个招牌菜，蟹肉天使面。先讲个卖相，净系个摆盘已经拎满分💯🦀意粉酱汁唔系平时好creamy嘅意粉酱，带少少辣，落单嘅时候，已经同职员讲咗要小小小小小小小小辣 😆蟹肉混合喺意粉入面，虽然唔系creamy意粉酱汁，但同样可以挂汁，而且好惹味，再配上少少辣味，食唔停口，越食越好食。真心推荐 👍🏻CHARRED CORN RISOTTO系一个素食意大利饭。米嘅口感做得好好，有少少咬口。同意粉相比，意大利饭就做得creamy啲，但食落一啲都唔腻，同样推荐 😋两款食物比较，意粉嘅味道就相对会丰富啲。最后，午餐送上蓝莓芝士蛋糕 🍰甜度岩岩好，份量都岩岩好😆为午餐画上完美句号。