影片
更多
2020-10-18
33 浏览
经过朋友介绍，我决定咗今日去食一间喺太和嘅泰国嘢，叫做木船。入面嘅装修都几靓，我同朋友今日好早就到咗六点几去食，所以都好好彩唔需要排队。咁我哋一人拣咗一个饭再加咗少少小食试吓佢啲手势先。我哋叫咗香叶肉碎饭配鸡翼同招牌烧豚肉饭，原来每个餐都配左三个小食再加一碗汤，咁咪做乜都试吓，所以我哋就叫咗鸡汤同冬阴功汤试吓。见佢啲小食咁抵，都叫咗卢笋鸡翼，同埋虾球。一开始嚟到啲小食系热辣辣，好香口，好好食，而且虾球好大粒，非常好。仲有个碎蛋沙律值得一提，唔系好普通既蛋白沟沙律酱，餐厅特别先将蛋黄压碎再沟落沙律酱，先再捞落啲蛋白到，非常有心机。最令我同我朋友惊喜嘅系个招牌 豚肉食，个味好似日式烧汁，但系又有少少酸酸辣辣嘅味道，食落去非常开胃，揭落去仲见到一粒半熟嘅温泉攞嚟拌饭非常之一流，上面仲铺满左应该系啲木瓜丝既沙律，喺浓浓嘅酱汁下面有一丝清甜嘅感觉系配合得好好。香叶肉碎饭就系不嬲我嘅最爱，去亲泰国餐厅通常都要叫㗎啦，冇令我失望，食落去都系有种辣辣地嘅味道，食完都好想继续食。因为泰国嘢通常都比较浓味，咁我就叫咗一杯香茅特饮，其实香茅特饮真系好多地方都冇，但系有一次我去咗泰国旅行饮过就念念不忙，呢度有
入面嘅装修都几靓，我同朋友今日好早就到咗六点几去食，所以都好好彩唔需要排队。咁我哋一人拣咗一个饭再加咗少少小食试吓佢啲手势先。
我哋叫咗香叶肉碎饭配鸡翼同招牌烧豚肉饭，原来每个餐都配左三个小食再加一碗汤，咁咪做乜都试吓，所以我哋就叫咗鸡汤同冬阴功汤试吓。见佢啲小食咁抵，都叫咗卢笋鸡翼，同埋虾球。
一开始嚟到啲小食系热辣辣，好香口，好好食，而且虾球好大粒，非常好。仲有个碎蛋沙律值得一提，唔系好普通既蛋白沟沙律酱，餐厅特别先将蛋黄压碎再沟落沙律酱，先再捞落啲蛋白到，非常有心机。
最令我同我朋友惊喜嘅系个招牌 豚肉食，个味好似日式烧汁，但系又有少少酸酸辣辣嘅味道，食落去非常开胃，揭落去仲见到一粒半熟嘅温泉攞嚟拌饭非常之一流，上面仲铺满左应该系啲木瓜丝既沙律，喺浓浓嘅酱汁下面有一丝清甜嘅感觉系配合得好好。
香叶肉碎饭就系不嬲我嘅最爱，去亲泰国餐厅通常都要叫㗎啦，冇令我失望，食落去都系有种辣辣地嘅味道，食完都好想继续食。
因为泰国嘢通常都比较浓味，咁我就叫咗一杯香茅特饮，其实香茅特饮真系好多地方都冇，但系有一次我去咗泰国旅行饮过就念念不忙，呢度有得饮返真系好似去咗一转旅行咁。
我同朋友两个男人，其实啲嘢都争少少食唔晒，系非常之饱，所以如果大家经过太和想食泰国嘢，绝对推荐大家黎呢一间。
张贴
