鳳華路邊雞飯店 (已結業)

去到九龙城，唔食泰，唔食潮，试新嘢，食路边鸡，（系唔系客家菜呢？），有两间，另一间要等位，去左呢间。谂住呢啲老字号，都会有番咁上下啦。原来都只系一般而已。叫得路边鸡梗系要食鸡啦，半只霸王鸡，再加碟猪手，仲有竹笙鱼肚浸胜瓜，最后叫多个天麻炖鱼头。 但鸡就真系令人失望，无鸡味，肉质松散，做得个招牌菜，你点都要做好啲啦，鸡肉点都要嫩滑下话。反而猪手有惊喜，老婆唔食芫荽，佢竟然将芫荽切到好细粒，加落酱汁度，老婆虽然知道有芫荽，但竟然入到口，仲话汁好味。而个浸胜瓜无乜特别，反而个炖汤好足料，好香 。