柴夫人魚館

营业中

休息中

星期五晚上去左食烤鱼！尖沙咀小有名气嘅柴夫人鱼馆，离远已经见到个灯牌，非常好认。我地叫左呢到个招牌 - 豆花鱼蕃茄豆花鱼 巴沙鱼块 无骨，适合钟意大大啖食嘅人士。份量2-3人，配菜有豆花，芽菜，薯仔，蕃茄等配料非常足，食到底都仲有唔少配料。巴沙鱼块厚身，肉质嫰滑，无骨，加上冇骨，食落更觉得鱼肉滑溜。蕃茄汤底浓郁，味道唔会过重，盖左鱼嘅味道。随住时间个汤滚得越耐，配菜吸哂蕃茄汤底汤汁，爽脆芽菜，软腍薯仔片，咬落充满蕃茄浓汤味，好食！而招牌豆花软绵，食落口唔会散，吸埋汤汁更好味。钟意豆花嘅人士一定要试下。外加配菜 生菜 牛肉片。生菜新鲜，钟意爽脆定熟透嘅生菜都随意调配，配上蕃茄浓汤，特别清新开胃。牛肉片嫰滑，都有鲜牛味，味道唔错。小食 蔬菜大饼，食落几有惊喜，外皮有d似煎堆外皮，脆但有软糯口感。内饀面包，松软，口感不俗。加上大量芝麻，香气十足。自磨豆浆 冇外加糖，值得一赞，非常新鲜，解渴降温，配热辣辣嘅食物一流。食饱都仲有任食雪糕，随意到门口旁嘅雪糕机自制。