十十四川料理 (已結業)

呢到环境几好，坐得好舒服。黎到紧系要试下佢个招牌酸菜鱼。酸菜鱼简左小辣，比想像中强既辣度，鱼肉冇骨，而且好嫩滑，肉质唔散! 个汤汁有层次，食到酸菜既酸味，又有麻辣感，但唔会死咸。入面有莴荀同埋寛粉。莴荀浸咁耐都仲好爽口，寛粉强烈建议要加，好吸汁，好好食。葱爆牛肉(小辣)原来仲可以简辣/唔辣! 一上台已经闻到好香，牛肉好滑，个汁好香口，一啖牛肉再配葱段，可以中和少少油腻咁，食到好想配白饭! 食落都觉牛肉份量其实都几多架!回锅肉炒面呢个唔算好辣，面质系类似伊面，回锅肉份量多，每片肉都炒得好香口! 凉拌莴荀丝调味系带少少酸，好开胃，好爽口! 果然莴荀系不败! 呢到d staff 好有礼貌~ 而且时不时会主动加茶，留意客人，抵赞!