鼎泰酸菜魚

营业中

休息中

平时lunchtime 见几多人排队，所以同同事都抱有期待去食佢嘅招牌酸菜鱼。鱼有5、6块，唔腥但系偏腍。成碗超过三分一系芽菜，底层有夹一啲好粗嘅宽粉同豆腐。配菜多唔系问题，如果索晒汤汁，系可以好好食，但系所有配菜都唔入味。不过，成个酸菜鱼最令人失望系佢个汤。只有少少酸醋味，而且唔辣，表面洒嘅干辣椒同花椒都系装饰用。套餐仲会配一碗饭或者粉面，拣咗菜饭。饭明显系落太多水，淋到好似畀BB食嘅饭仔…如果只系普通茶记的午市套餐，啲啲味道可能仲接受到。想要食重口味过吓口瘾，千祈唔好食啲间。