元元酸菜魚

营业中

休息中

食材唔新鲜，酸菜鱼嘅鱼系用廉价生鱼做嘅，点知做出嚟仲要唔新鲜，已经雪咗好多日，鱼肉一啲都唔滑，而且鱼肉已经变得生硬，旧肉系雪到定咗型，而且鱼肉见到有发红嘅状态，好明显系唔新鲜，最奇怪嘅系酸菜嘅比例少到好似芝麻绿豆咁少，芽菜就调返转，最奇怪嘅系竟然会有豆腐卜，我都未食过一间会有豆腐卜嘅酸菜鱼，食咗两块咁霉嘅鱼我就已经食唔落去喇！失败中嘅失败！再嚟讲吓佢嘅花雕醉鸡，花雕酒味系有嘅，不过份量一嚟又细，二来全部都系鸡胸肉，肉质鞋到柴咁！最有惊喜嘅系𠮶份大盘花菜，有镬气几好食！柠檬茶不过不失。最后埋单𠮶阵我同个疑似负责人讲，你哋嘅酸菜鱼真系我食过最难食嘅酸菜鱼，店员竟然同我讲话，可能同你口味唔啱啫！完全唔会了解客人投诉乜嘢，呢间舖头仲边有进步嘅空间啦，永远唔会再有下次过嚟帮衬！另外仲要+1服务费，真系不知所谓！