魚川居 (已搬遷) 新店位置

今日同钟意食辣嘅朋友系观塘揾野食！揾到一间新开嘅食酸辣鱼嘅餐厅！正合我哋心意！可能新开嘅关系，装修好新，好干净！餐厅都非常简单。都系以食酸菜鱼同打边炉为主。因为我地食量唔大，叫左个1-2份嘅酸菜鱼。仲叫左碟响铃试下。酸菜鱼都好足料，除咗鱼肉量够多之外，仲有劲多酸菜、芽菜，味道唔错，好正宗！要赞下个汤底，食得出唔系味精或者好咸嘅味道，非常浓郁，清甜！配埋白饭，简直一流！1-2人分量都好够饱！响铃好明显系佢地自己即叫即炸，上碟嘅时候仲热辣辣，用黎吸哂酸辣鱼嘅汤黎食最正！最后，叫咗佢地自家制嘅紫贝天葵，浓郁嘅山渣味，酸酸甜甜，非常解腻，又开胃！