壹食就醉

营业中

休息中

好耐无见班旧同学啦，大家平时番工都好忙，今日终于约到齐人啦，大家都想打边炉，揾左个大家既中心点，系佐敦同尖沙咀中间拉book左呢间壹食就醉。睇完Menu就简左醉鸡汤底，个汤底好香有好浓既酒味，饮落去同样都觉得几浓，但最重要系好易入口，然后当然就系鸡啦，令到我惊喜既就系碟鸡原来好大碟，只鸡系一整只切件，每一旧都好大旧，就连鸡背位置都好多肉。而且旧旧鸡都好滑，鸡胸一啲都唔老，同埋因为腌过所以好入味。然后仲有手切牛，油脂分布得好均匀，入口即溶，浸系醉鸡汤既牛肉一放入口就有微微既酒香，连豉油都唔洗点！我地仲有叫左猪肉片、响铃、鱼、墨鱼滑、手打丸之类。最值得一提系佢个脆骨腩，咬落去个啖真系好脆，食落去好有鱼油香味，而且好新鲜。最后铺头仲有自家制既凉茶，有竹蔗矛根、五花茶，饮落去好足料，味道都好好入口。整体黎讲环境好舒服、野食好好味、价钱又好平。