Outdark (H8)

营业中

休息中

不知不觉Outdark已经成为我同先生嘅周末饭堂，放假嚟开尖沙咀都会心思思想食佢嘅炸鸡，连同朋友食饭都会推介佢。除咗炸鸡出色之外，饮品都系冇得弹，而且价钱唔贵，环境又舒服。今次我哋第一次叫饭卷，份量好足，材料除咗烤牛肉之外仲有蛋、腌萝卜、青瓜、红萝卜丝同黑白芝麻，卷得好扎实，入口口感非常丰富，非常推荐！重头戏当然系我哋心心念念嘅鲜嫩炸鸡，配搭三款唔同嘅炸薯，全部即叫即炸，上枱时仲系热辣辣香喷喷。我哋拣咗甜辣炸鸡同香蒜蜜糖炸鸡，各有千秋，依然系一贯嘅外脆内嫩，带少少爆汁嘅效果，令人回味。另外加咗炸芝士棒，趁热食有少少拉丝效果，香脆可口。Mojito Ade清爽解腻，绝对系配搭炸鸡嘅不二之选。Blueberry yogurt加入新鲜蓝莓，同样清新解渴，亦系我哋每次必点。