麻痺雞 (已結業)

今晚7点左右，同朋友二人去食鸡煲。天气咁冻最啱就系食鸡煲，仲要系食好辣𠮶种！我哋两个被安排咗坐喺厕所门口，心理上系有啲忧心，但已经冇其他位喇，惟有顶硬上！家姐最近食咗个小辣嘅羊腩煲，平时好食得辣嘅佢都话够辣。于是我同朋友嗌咗个小辣麻痺鸡。凉伴拍青瓜同海蜇丝唔够入味，而且感觉味道怪怪的，不过我朋友都钟意食。鸡肉都算入味，但我哋竟然觉得唔够辣。我个朋友自己落咗啲调味料落去，店员姨姨又帮我哋加辣。佢仲提我哋逐啲小小咁落，惊我地辣到食唔到。落咗之后，果然浓味咗，同埋越食越辣。不过呢只辣系辣喺个嘴唇，口入面唔觉得辣，同埋会感觉个肚都热辣辣。鸡肉嘅肉质都算滑嫩，唔错～里面仲有几旧薯仔，入晒味，粉粉的，超好食！我哋后尾再加嘅薯仔片太薄，冇𠮶种粉粉嘅质感，冇咁好食。另外，腩肉偏肥，啲肉好难咬，我吐咗出嚟。其他我地主要食咗素类食物，例如豆卜，豆腐，炸枝竹，冬菇，冬瓜片，白萝卜，乌冬，红薯粉等等，不过不失啦。可仼饮汽水、大陆碳酸饮品、鸿福堂咸柑桔、竹庶茅根等。服务态度很好，上菜快，但有漏单情况。价钱尚算实惠，每人$158。