Outback Steakhouse (德福廣場2期) (已結業)

前两晚同朋友行德福，谂唔到食咩，突然醒起好耐无食Outback，就去左拎飞，都系等左5分钟左右就有位，非常之快。Outback的特色 - 一坐低就会有职员比🖤招牌黑糖面包🖤，本身比左一份，但又有个职员再比多份我地，劲食嘅我当然OK LA，黑糖面包暖暖地配埋佢地个淡牛油真系无得输。我地今次决定散叫，因为我同朋友都无谂住饮餐汤餐饮，叫左个牛油果蟹肉他他，估唔到佢蟹肉非常多，性价比好高唷，基本上我地食晒D脆脆都仲未食完个他他😋主菜我地叫左个鸡肉拼烧虾宽面同埋烧黑毛猪鞍，鸡肉系鸡胸肉唷，做GYM嘅我当然好OK，而D虾都几爽口，不过个面就感觉上唔够热，只系暖，但味道都算唔错。食过而个猪鞍因为系黑毛猪，所以我地叫左七成熟，不过今次烧得有d靭，质素略为差过之前少少🤏🏻最后我地仲食左鲜什果美式芝士饼，佢呢款cheese cake系淡芝士味同埋系软身嘅，撞岩我同朋友嘅口味，配埋d鲜果仲有个淡忌廉，口感几清新。用餐其间职员都好有礼貌，经常帮我地加水，又有个女职员问我地食物质素如何，十分贴心。又咁岩万圣节，餐厅装饰得都好有节日气氛，整体感觉良好。