PAUL LAFAYET

营业中

休息中

我相信大部份人都知Paul Lafayet最出名嘅就系Creme Brûlée或者最出名嘅Creme Brûlée就系嚟自Paul Lafayet啦XD。话虽如此，我都好少食，因为平日一个都唔平，成$50！不过佢一年两度会做推广优惠，Creme Brûlée券买一送一，即系$25就有一个，咁就抵食好多👍。呢日出尖沙咀食晏，顺便去K11兑换埋啲券请同事食。我一次过换咗6个😂😂，不过店员好熟手，三两分钟就已经搞掂。舖头特别有个位系整🍮Creme Brûlée嘅，即系店员会喺你面前倒啲糖上个炖蛋面，再用火枪炙烧几下至㶶㶶哋嘅效果，每一个都烧得几均匀几靓😍。店员有提示返要尽快食用，好似系半个钟内？焦糖炖蛋用个瓦碗装住，个碗相信又系另一卖点，哈哈。炖蛋系好食嘅，蛋味浓郁，口感够滑，有云呢拿籽，不过有少少甜啦。整体不过不失，系一贯嘅好味道😋。我认为送礼送散水饼，送呢个绝对唔失礼！总括嚟讲，Paul Lafayet系无做坏招牌嘅，Creme Brûlée系好食嘅！不过以原价买，就比较贵，最好都系留意下几时有做优惠。