影片
更多
2021-02-16
1900 浏览
圆玄学院元辰殿（又称太岁殿）系香港著名拜太岁嘅地方。主要供奉儒、佛、道三教，并兼关帝、观音等神衹。今日年初四系最暖嘅初四，排队搭小巴都等30分钟。但系，场地仍然香火鼎盛，善信「打蛇饼」排队，至少排1 小时以上入殿，到殿内中央的「斗姆元君」参拜。由于小编赶时间，小编喺殿外炷香，妈妈替一家人入内参拜，不得不佩服佢嘅诚心，唔知排完未呢😹本来5点关门，但咁多善信，应该会延迟唔少。拜太岁亦有步骤讲究。 ☝🏻殿外参拜✌🏻殿内中央的「斗姆元君」参拜🤲🏻拜访38号「当年太岁」🤲🏻再到自己「本命太岁」参拜如果唔想排长队，我哋可以运用新程式，网上购买太岁衣包同代拜太岁。自高中以来，小编好少去圆玄学院拜神，印象中仲系停留喺初中一家人驾车游，仲见到刘青云同郭蔼明。 🤣今年小编一家犯太岁，新年又无特别节目，就跟随去啦。 以往每年难得大家放假，去澳门食葡餐、自助餐，碰下运气（有收$10 嘅赌大细机🤣小有小赌）除咗拜神求签，仲有食斋菜先够诚心。罗汉赐福禄 （罗汉上斋）$130 大集汇，有冬菇、蘑菇、粟米芯、白菜。慧根映彩虹（菠萝生根）$110较为酸甜，记得要拌饭食。除左菠萝仲有三色椒。份量算多。仙班大贺寿（年年有余
圆玄学院元辰殿（又称太岁殿）系香港著名拜太岁嘅地方。主要供奉儒、佛、道三教，并兼关帝、观音等神衹。
今日年初四系最暖嘅初四，排队搭小巴都等30分钟。但系，场地仍然香火鼎盛，善信「打蛇饼」排队，至少排1 小时以上入殿，到殿内中央的「斗姆元君」参拜。
由于小编赶时间，小编喺殿外炷香，妈妈替一家人入内参拜，不得不佩服佢嘅诚心，唔知排完未呢😹本来5点关门，但咁多善信，应该会延迟唔少。
拜太岁亦有步骤讲究。
☝🏻殿外参拜
✌🏻殿内中央的「斗姆元君」参拜
🤲🏻拜访38号「当年太岁」
🤲🏻再到自己「本命太岁」参拜
如果唔想排长队，我哋可以运用新程式，网上购买太岁衣包同代拜太岁。
自高中以来，小编好少去圆玄学院拜神，印象中仲系停留喺初中一家人驾车游，仲见到刘青云同郭蔼明。 🤣
今年小编一家犯太岁，新年又无特别节目，就跟随去啦。 以往每年难得大家放假，去澳门食葡餐、自助餐，碰下运气（有收$10 嘅赌大细机🤣小有小赌）
除咗拜神求签，仲有食斋菜先够诚心。
罗汉赐福禄 （罗汉上斋）$130 大集汇，有冬菇、蘑菇、粟米芯、白菜。
慧根映彩虹（菠萝生根）$110较为酸甜，记得要拌饭食。除左菠萝仲有三色椒。份量算多。
仙班大贺寿（年年有余-芋头鱼）$130小编最爱，每次必叫，较为少见，外层香脆可口，内里啖啖软绵绵芋蓉。
甜甜蜜蜜（生磨合桃露）$30/ 盅，$85/ 窝
相对合桃露无咁浓味，新一年补下脑先。😹
张贴
