富臨薈 (已結業)

每年清明嘅时候去拜山，都谂下拜山后去咩地方食饭，见到有间几特色嘅中式菜馆，所以去试吓，我几钟意𠮶个红米糍粑，其实真系炸两嘅变种，外软内脆；黑金流沙包普通，可以再加多啲蛋黄咸少少会更加好；个东坡肉呢卖相唔错，肥膏部份可以但下低嘅肉有啲唔霖；个榴梿酥卖相就好啦但系呢榴梿味唔够重；鲍鱼炒饭真系有个原只鲍鱼，细就细咗啲啦但系个炒饭都几好食；仲叫咗个尖椒皮蛋、炸大肠、发个猪头等味道只系中上水平，最差嘅就系小笼包，送到黎嘅时候包底已经甩咗所以冇晒汤。但整体来说都唔错几有特色！