影片
更多
2024-06-27
167 浏览
谂住去车公庙拜神，拜神前要医左肚先叫咗两个餐：一个系猪肉，有猪腩肉、大肠、猪皮等等；第一个系牛肉。我曾经喺韩国食过一次烧猪皮，实在惊为天人，所以今次见到猪肉餐入边有猪皮，就毫不犹豫叫咗啦。头先上咗五个小小的前菜，有泡菜、腌萝卜、腌海藻、芽菜同埋薯仔沙律，我系薯仔脑袋，超钟意薯仔沙律，另外我觉得腌海藻同埋泡菜都唔错。两个餐都包咗一半牛肉拌饭，入边𠮶酱汁加埋温泉蛋同埋葱捞埋一齐，都几好食，个酱汁有少少辣辣地，比较惹味。我觉得猪肉餐入边嘅猪腩肉都几嫩，烧完出嚟点埋酱汁都几好食大肠就不过不失啦冇乜特别。反而猪皮比较令我失望，其实个猪皮唔系太差，但因为我喺韩国食过好好食嘅猪皮，所以佢就令我有啲失望。佢嘅猪皮未刮走晒所有嘅油脂，所以食落口仲系有少少油腻。我反而觉得牛肉餐嘅牛肉正正常常，冇猪肉餐入边嘅猪腩肉咁令人惊喜。饮品方面，我叫咗菠萝梳打同埋百香果柚子梳打，两款饮品都做到解油腻嘅效果。总括嚟讲，我觉得呢餐都几满意，如果猪皮再做好啲就更好啦！
叫咗两个餐：一个系猪肉，有猪腩肉、大肠、猪皮等等；第一个系牛肉。我曾经喺韩国食过一次烧猪皮，实在惊为天人，所以今次见到猪肉餐入边有猪皮，就毫不犹豫叫咗啦。
头先上咗五个小小的前菜，有泡菜、腌萝卜、腌海藻、芽菜同埋薯仔沙律，我系薯仔脑袋，超钟意薯仔沙律，另外我觉得腌海藻同埋泡菜都唔错。
两个餐都包咗一半牛肉拌饭，入边𠮶酱汁加埋温泉蛋同埋葱捞埋一齐，都几好食，个酱汁有少少辣辣地，比较惹味。
我觉得猪肉餐入边嘅猪腩肉都几嫩，烧完出嚟点埋酱汁都几好食大肠就不过不失啦冇乜特别。反而猪皮比较令我失望，其实个猪皮唔系太差，但因为我喺韩国食过好好食嘅猪皮，所以佢就令我有啲失望。佢嘅猪皮未刮走晒所有嘅油脂，所以食落口仲系有少少油腻。
我反而觉得牛肉餐嘅牛肉正正常常，冇猪肉餐入边嘅猪腩肉咁令人惊喜。
饮品方面，我叫咗菠萝梳打同埋百香果柚子梳打，两款饮品都做到解油腻嘅效果。总括嚟讲，我觉得呢餐都几满意，如果猪皮再做好啲就更好啦！
张贴
