新竹園軒

营业中

休息中

因为有几个月冇见爷爷奶奶，前几日就谂住去拜访佢哋，顺便带佢哋去食点心。之前朋友介绍过呢间点心店嘅点心几唔错，环境又整洁干净，所以就约好带爷爷奶奶嚟呢度食点心。我当时有叫咗一道炸鱿须。见到隔离啲人食到津津有味，忍唔住自己叫嚟试下。好唔错，外面脆脆，入面嫩嫩，我个人系好钟意呢个口感我叫咗凉拌木耳畀奶奶，因为奶奶钟意嫩嫩嘅食物，有弹性，又唔想畀佢食炸嘅，所以点呢个几好。佢食到好开心，自己慢慢将大部分木耳都食晒。我哋仲叫咗另一道蔬菜都几唔错。用蚝油炒嘅芥兰，好香，味道唔会太重，啱啱好适合爷爷奶奶食。芥兰都好新鲜，青青嘅，冇泛黄嘅现象。佢哋嘅蒸凤爪都好好食。嫩嫩嘅，食落去鲜嫩多汁，配埋佢豉汁嘅味道，真系好美味。一阵间就畀我哋食晒。最后一道就系我哋都非常钟意嘅虾饺皇。外面嘅皮黏黏，加上入面满满Q弹嘅虾肉，一口咬落去，𠮶种丰富嘅口感，美味嘅味道，真系好正！爷爷奶奶食到好开心，我睇到都非常开心。以后都想多啲带佢哋一齐嚟食。