麻吉

营业中

休息中

佢岩岩开业时已经帮衬过米线，间中食一两次，最近减肥少食咗，今日经过见佢推咗个酸菜鱼饭餐，就买一个酸菜鱼饭+口水鸡外卖拎走。返去打开见到个盒咁细已经有啲O咀，然后食埋仲加O咀，首先鱼片有六块，然后配菜系一啖芽菜，然后系几条葱加一块细细腐皮，同埋劲少佢所谓自家制嘅酸菜，少到系我食两啖已经无哂，如果你系男士我估你要自己煎多两只旦黎𩠌白饭，$58唔包饮品，呢个份量同质素真系令人失望，但老实讲味道唔差，同巴X仔个味道差不多但份量真心差太远。口水鸡就无特别，肉质实净，无雪味，调味正正常常。今餐午餐58+38+外卖餐具费=$99，抵唔抵食真系见人见智，我而家煎埋两只旦黎𩠌埋碗白饭先。