拾味正宗刀削麵館 (渣甸街)

营业中

休息中

之前都唔觉原来铜锣湾都有一间拾味山西刀削面馆，今晚经过就决定系度食晚餐。餐牌有推荐菜式，刀削面自由配，冷刀削面，热拌刀削面，温泉蛋木耳刀削面。唔食面都有其他选择，例如上海菜饭，滋味小食等等。饮品有常见茶记冷热饮品。刀削面可转拉面，米线或者年糕。每人一碗刀削面自由配，面𩠌分开上。刀削面系粗身扁状带少少不规则，热汤刀削面软硬度适中，个汤好热，超辣嘴，走左辣，味道好清淡，可以自己再加调味。葱花芫荽另上系匙羹。呢碗转左拉面，拉面系幼身白色面，都滑溜，质感可以。配牛展就$58，一客有9片，叫左走辣，酱汁就系豉油味。牛展系薄切，不过都淋既。配越式春卷就$60。越式春卷一客六条。炸得又脆皮又薄，好似有好多薄薄层次，入面料系正常。伴有甜酸酱，可降温，下底垫有生菜一片。凉拌海带丝 $22小食叫左凉拌海带丝，蒜蓉量适中，味道唔错，质感脆口。星期五夜晚六点几七点好多人，七点走见到人龙。