古早味台灣原味 (已結業)

好耐之前已经系电视听过古早味呢间餐厅，见到啲嘢食好似几吸引，所以放工专登试吓，好近铜锣湾地铁站够方便餐牌嘅选择好多，可以拣台湾小食、汤面、饭、甜品等等，花多眼乱，而且有一啲素食嘅选择，好贴心啊我同朋友点左个麻辣拼盘，有猪耳、鸡肾等，麻辣味唔算好重，适合我呢种唔太食得辣嘅人，但味道好香，而且每样都煮得好入味，份量亦算多另外点左个红烧三宝面，有牛腱、金钱肚同牛筋，三种材料都煮得好软熟好入味，尤其系牛腱最出色，够厚身而且肉味浓，再加埋个汤底食得出有少少药材嘅味道，真材实料，而且面身嘅质地煮得刚刚好，粗身够口感我仲叫咗个炸花枝丸，花枝丸系我嘅最爱，里面食得出有好多墨鱼肉，好爽口，系台湾必定叫嘅小食而我叫嘅饮品真系好出色，系炭烧乌龙奶茶，再加胚芽，首先佢唔会太甜，而且佢哋乌龙味道好突出，唔会俾奶味盖过，好值得一试，价钱亦唔贵，喜出望外餐厅都几多人帮衬，食物嘅价钱唔贵，而且味道几好，款式又够多，令我好似去咗台湾食嘢咁，如果挂住台湾美食就一定要嚟试下喇