kikusan (已結業)

前几日同朋友聚一聚，去铜锣湾食饭好多时都会拣新餐厅试下，今次就去希慎广场试多国菜。一间餐厅咩野菜式都有，咖哩又有小笼包又有，连刺身都有，一次过满足你几个愿望。由于见餐牌无咩岩饮，就叫左按人头计既乌龙茶，有冻有热拣，都系$5位，无限refill。味道唔错，茶味偏淡，但够冻。但refill个阵，系唔会refill埋冰俾你，所以越饮越唔冻。豚肉小笼包上台唔算非常热，汤汁唔算太Juicy，猪肉调味不足，唔使再试。咖喱汉堡扒饭反而有惊喜，咖哩准较杰身，味道偏甜，汉堡扒唔会话太干身，扒都算几厚身，但得一旧扒就好似唔够送饭。芒果海虾卷真系大伏黎，本身外观已经唔算吸引，食落去芒果肉系非常酸，完全同炸虾唔夹，炸虾仲要炸粉淋晒。另外，个pat酱唔知可以点样点落寿司度，系奇异果热情果粒粒整成，成件事好奇怪。呢个芝麻花生炉打滚，净系睇menu个名系完全估唔到系咩黎。其实都系糯米糍D朋友黎，外皮底系煎脆左，食落口系热热地，入面d芝麻花生椰丝带小小咸，食落口个感觉好有趣。呢个甜品应该系呢间餐厅最好食既野。