森林麵包

营业中

休息中

喺网上面听闻呢一间街坊小店嘅拿破仑质素非常之高，所以今次就藉住侄仔嘅生日，订咗一磅嘅士多啤梨拿破仑嚟试吓，一试果然并非浪得虚名，屋企大人细路都钟意，简直皆大欢喜！首先个酥皮系相当之香，用咗日本面粉，咬落相当酥脆，充满阵阵牛油香味。然后吉士相当之幼滑，唔会太甜，而且有一粒粒云呢拿籽，配合埋新鲜酸酸甜甜嘅士多啤梨，成件事配合得非常之好，令人印象深刻。本人之前都试过系一间尖沙咀酒店订过芒果拿破仑，但质素都冇呢一间咁好，吉士比较甜，而且价钱差唔多要成$400。以$258 一磅来讲，呢一间嘅水平系绝对系物超所值，性价比冇得输。而且呢间舖头嘅位置位于观塘嘅旧屋村里面，服务街坊大众，感觉上平易近人，令人陪感亲切，我之后都会得闲过嚟买下曲奇、蛋挞、鸡批，多D 帮衬呢啲非集团式嘅小店。