影片
更多
2018-10-27
178 浏览
今晚揾食揾到嚟红磡，因为朋友之前介绍过，话有间新餐厅几抵食。advice taken！就喺星期五晚放工之后去试吓！坐地铁去到何文田站，B1 出口沿行人天桥落去就见到餐厅，好方便！入到去被安排坐近水吧位置， 除咗一般餐饮外，餐厅有有红白酒，生啤供应。我哋叫咗个熊本西冷扒、半熟刺身带子黑松露意大利饭，同埋鲜果拿破仑。其实所有主菜加$60都可以转套餐，有沙律/餐汤，前菜，甜品同餐饮，但我哋怕食唔晒，所以就无order 套餐。5成熟嘅西冷扒先上枱，配上什菜，薯粒同黑椒汁。西冷扒牛肉味浓。相比肉眼或者牛柳，西冷一般都比较干同韧，估唔到呢个煎得几嫩滑。虽然旁边有黑椒汁，但我觉得本身牛扒已经好够味。旁边嘅烧薯仔都几惹味，应该经过少少调味，有d香草味，几好食。意大利饭上面有两大粒面头烧到焦黄嘅带子，大大粒又够厚肉，见到都流口水！意大利饭当中混合咗什箘，配埋忌廉嘅香味，本身都无得输，加埋两粒嫩滑鲜味嘅大带子，好正！最后个甜品亦都好食到想喊！！拿破仑蛋糕嘅酥皮劲脆！吉士酱又唔太甜！脆脆酥皮加软滑吉士，三层一齐摆入口，口感味蕾大爆炸！劲Like !
坐地铁去到何文田站，B1 出口沿行人天桥落去就见到餐厅，好方便！
入到去被安排坐近水吧位置， 除咗一般餐饮外，餐厅有有红白酒，生啤供应。
我哋叫咗个熊本西冷扒、半熟刺身带子黑松露意大利饭，同埋鲜果拿破仑。其实所有主菜加$60都可以转套餐，有沙律/餐汤，前菜，甜品同餐饮，但我哋怕食唔晒，所以就无order 套餐。
5成熟嘅西冷扒先上枱，配上什菜，薯粒同黑椒汁。西冷扒牛肉味浓。相比肉眼或者牛柳，西冷一般都比较干同韧，估唔到呢个煎得几嫩滑。虽然旁边有黑椒汁，但我觉得本身牛扒已经好够味。旁边嘅烧薯仔都几惹味，应该经过少少调味，有d香草味，几好食。
意大利饭上面有两大粒面头烧到焦黄嘅带子，大大粒又够厚肉，见到都流口水！意大利饭当中混合咗什箘，配埋忌廉嘅香味，本身都无得输，加埋两粒嫩滑鲜味嘅大带子，好正！
最后个甜品亦都好食到想喊！！拿破仑蛋糕嘅酥皮劲脆！吉士酱又唔太甜！脆脆酥皮加软滑吉士，三层一齐摆入口，口感味蕾大爆炸！劲Like !
张贴
