Meltlyplace (已結業)

之前睇过一篇报道，系关于香港五大最好味嘅芒果拿破仑！而Meltyplace系占第一位！有朋友生日，佢好钟意食芒果拿破仑！每年生日寿星都要求我哋送芒果拿破仑蛋糕俾佢庆祝生日！所以今年，我哋就选咗响呢度买拿破仑蛋糕啦！由于系朋友负责订蛋糕，我负责去攞，所以我唔太清楚地点！原来间饼店系位于半山，加上果日，中环啲自动扶手电梯坏咗，我要行好多条好斜嘅斜路同埋楼梯去买蛋糕！响呢个咁热嘅天气，真系好辛苦！早知我就响地铁站搭的士上去啦！辛苦完一轮之后，终于见到间饼店！间饼店装修好华丽，入到去饼店，见到好多单件蛋糕款式特别，好吸引！试食时间，个拿破仑蛋糕嘅饼底好脆，啲芒果好甜！如果钟意食拿破仑蛋糕的朋友，值得一试！