豚王 (新城市廣場) (已結業)

平时黎开沙田新城市广场，都系唔知道食乜嘢好，因为呢度多数食嘅嘢都比较贵，啱啱出咗粮，见又想食拉面，就选择左呢一间豚王！今日系星期四夜晚大概八点左右，谂住冇乜人，但系都要等三张枱，大概十几分钟之后先可以入到去。呢度嘅铺面都几日式，大部份都系用木做装修，眼前见到一大个开放式厨房，都几有风格！因为本身都赶时间，于是一入到去即刻点左嘢食先，点完之后，都仲要再等大概十几分钟先可以食得。俾大家睇睇餐牌我哋主要可以选择豚王、赤王、黑王、翠王同埋限定王，详细有咩分别，可以睇睇佢旁边嘅讲解。如果有特别喜好嘅，都可以随意加钱，加以下呢一啲嘅配菜一埋到位，店员就比每人一份点餐纸，任何嘢都可以自由选择，包括汤底、配菜、辣度同面嘅种类等等。我哋拣咗一个黑王，同埋一个赤王。黑王黑王使用日本传统黑酱秘制而成嘅汤底，今次尝试选择咗浓汤底，配搭肩肉。黑酱加蒜有啲似食紧黑蒜油嘅感觉，因为浓汤嘅关系，唔太食得出豚骨汤底嘅味道。肩肉比腩肉大块，肉中的油脂分布均匀，口感有层次。赤王赤王是由麻油研制而成嘅鲜味香辣酱油，辣道选择左3辛，初头食都唔算好辣，但食到中段，已经成头大汗。选择左腩肉做𩠌，啖啖肥肉，食落去好有满足感！两碗面都