Wingman (已結業)

2023年5月3日 星期三早排系网上面见到旺角有一间餐厅专食鸡翼，仲有鸡翼放题添，于是今晚放工之后就同老婆黎挑战一下可以食到几多只鸡翼！！搭完lift出嚟就见到餐厅既招牌，装修到好似地铁站嘅墙壁咁，好特别，啱晒用嚟打卡咁啱当日系星期三做紧优惠，每一只鸡翼都系$5，不过我哋嘅目标当然系任食啦任食鸡翼分开几个唔同嘅价钱，可以任食其中三款、其中十款又或者所有味道再加小食放题，而最平既话$138已经可以任食其中三款，我哋就拣左每位$188任食其中十款，相信应该都足够另外唔止剩系得放题，见到餐牌都有提供几个套餐俾客人选择，有鸡翼拼盘、小食同饮品，成个set都系二百几蚊左右等左大约15分钟左右，鸡翼就一次过送上，不过店员话每次最多只可以叫六款，而每款都有四只，食晒之后先可以再叫，避免浪费，见到摆盘都摆得几靓，而且每一款鸡翼都热辣辣首先试咗呢一款泰式甜酸酱，酸酸甜甜几惹味，而且上面仲有炸蒜添，味道更加丰富之后有黑椒柠檬味，冇谂过黑椒同柠檬都几夹，柠檬中和左黑椒嘅辣味，所以食落去唔会太过辣，连唔食辣嘅老婆都好钟意之后仲有纽奥良香粉味，上面加咗少少青柠，食落去感觉冇咁油腻，同埋调味粉食完唔会觉得好口渴最