川熙樓 (已搬遷) 新店位置

约咗旧同事唐师奶同瑨哥食饭，佢哋都系嗜辣一族，所以今晚就一齐挑战川菜。食店用咗中国红色做主调配埋中式嘅古筝音乐，地方都好大，座位宽阔。前菜梗系由浅至浓啦，先试呢个椒麻鸡，听闻呢个前菜好受欢迎，鸡件入口嫩滑，好入味，麻香味重，但竟然唔辣，第一次见识到咩叫麻而不辣。 椒麻盐水虾，虾肉非常爽口，青瓜粒有麻辣味 麻香豆腐炒饭，炒饭好干身，绝对冇多余嘅油，材料好多，少少麻辣味。富顺香辣鱼头，见到红红嘅辣油拌住半边鱼头，哗，净系睇己经带黎视觉上嘅刺激，试埋入口，竟然冇预期中咁辣，鱼头好多胶质，鱼肉好嫩滑。 鲜汤浸翡翠苗，一定要叫番个清新嘅菜中和一下刚才的刺激，汤底鲜甜，菜苗好嫩。乐山甜皮鸭，外层香脆，鸭肉带有少少甜味，非常好食。