成都老碼頭火鍋 (已結業)

由于一直听闻成都火锅好辣，一直想试，终于订到位，当天去到入座率都超过八成。订座既时候，接听既待应一直强调唔可以迟到，迟到要重新轮候，所以，真系要好准时。汤底有四种，猪骨汤、蕃茄汤、红油汤仲有一个要加多几十蚊既花胶汤。红油汤亦有分两种辣，香港同成都之分，而成都既辣再细分大中小辣。我选择咗成都既小辣。有一个自助既调味位置，有一罐罐店自己出产既麻油，可能搭配豉油调味，出嚟效果唔错，麻油好香，最可惜唔可以外卖走麻油。打边炉既配料其实间间都差唔多，不外乎都系菜、肉、丸之类仲有海鲜咁。点咗莲藕、淮山、莴笋、炸芋头、黄喉、鹅肠、仲有疯狂辣牛肉。鹅肠放系一个小架子上面，摆放得好似晒棉被一样，食落好爽口而且材料新鲜。疯狂辣牛肉本身已经被辣椒包围，再放落辣汤底整熟，真系辣上加辣，食完系头痛，真系好辣好辣，怕辣可以选择放唔辣汤底走下辣，呢个真系食辣既人都未必顶得住。火锅不过不失，可以再去！