影片
更多
2021-04-19
40 浏览
2个细好钟意食寿司，必叫既寿司一定有蟹籽寿司，因为佢地都系 #蟹籽 迷黎架。因为咁俾妈咪发现左元朗有间专系食蟹子嘅外卖小食店，紧系入去买黎试下喇，顺便扫下街食埋元朗既出名小食。落车系又新街一直行入去，就见到又一新城，上一层转右手边就见到。舖面需小，但系入边卖既小食，样样都想食，最后就叫左 #人气王 #芫荽冷面 #爆多蟹籽冷面 #爆捞小食 同透明袋装捞面 。四样野食都超多蟹籽，由其爆多蟹籽冷面，基本上系好似冚左张蟹籽 被咁，开盒既时候佢地以为我买左一大盒蟹籽返黎俾佢地食😂。 而芫荽冷面基本上同爆多蟹籽冷面系一样，不过蟹籽被上铺满多一层芫荽，钟意食芫荽既朋友，如果唔黎试下你就 #走宝。爆捞小食有牛肚、蟹柳、粟米、墨丸、鱿鱼、大肠，全部加埋一齐捞埋钟意食既酱汁，再加劲多蟹籽，口感丰富又好味。佢地最出名既除左系蟹籽，仲有佢地既辣，唔系出边食普普通通既辣，系同个舖名一样劲辣，辣汁系老板自己研制架，有7种辣嘅程度选择，钟意食辣又或者想挑战下自己食辣既程度，呢间小店岩晒你。所以我另外买左袋捞面，挑战一下小辣，对我黎讲，真系好辣，挑战失败。而佢地用透明胶袋装住食物，完全抅起妈妈我既 ＃童年回忆，因为
因为咁俾妈咪发现左元朗有间专系食蟹子嘅外卖小食店，紧系入去买黎试下喇，顺便扫下街食埋元朗既出名小食。
落车系又新街一直行入去，就见到又一新城，上一层转右手边就见到。舖面需小，但系入边卖既小食，样样都想食，最后就叫左 #人气王 #芫荽冷面 #爆多蟹籽冷面 #爆捞小食 同透明袋装捞面 。
四样野食都超多蟹籽，由其爆多蟹籽冷面，基本上系好似冚左张蟹籽 被咁，开盒既时候佢地以为我买左一大盒蟹籽返黎俾佢地食😂。 而芫荽冷面基本上同爆多蟹籽冷面系一样，不过蟹籽被上铺满多一层芫荽，钟意食芫荽既朋友，如果唔黎试下你就 #走宝。
爆捞小食有牛肚、蟹柳、粟米、墨丸、鱿鱼、大肠，全部加埋一齐捞埋钟意食既酱汁，再加劲多蟹籽，口感丰富又好味。
佢地最出名既除左系蟹籽，仲有佢地既辣，唔系出边食普普通通既辣，系同个舖名一样劲辣，辣汁系老板自己研制架，有7种辣嘅程度选择，钟意食辣又或者想挑战下自己食辣既程度，呢间小店岩晒你。
所以我另外买左袋捞面，挑战一下小辣，对我黎讲，真系好辣，挑战失败。而佢地用透明胶袋装住食物，完全抅起妈妈我既 ＃童年回忆，因为以前放学同同学一定会买黎食。
张贴
