Mr. K Pizza N Chicken (已結業)

今日朋友带我挑战超长拉丝薄饼店，餐厅位于铜锣湾登龙街，主打手工pizza & 韩式炸鸡。餐厅面积唔算大，但店员友善亲切，人情味十足。朋友试过肉食狂人芝加哥薄饼，今次想试下香芒大虾芝加哥薄饼。材料包括芒果、大虾、红洋葱、车厘茄、双倍水牛芝士、车打芝士、蒜香芝士酱、酸忌廉酱。薄饼都系即叫即做，热辣辣既薄饼卖相吸引，馅料丰富，而且色彩缤纷。饼底用黑谷物制成，净系芝士都用咗好几种，超长拉丝效果，真系好考食家嘅臂力㗎。除咗薄饼面布满大量芝士，就连批边都有芝士夹心，真系双重芝士享受，芝士控不容错过。薄饼口感松脆烟韧，芝士香浓得黎唔会盖过洋葱同芒果原有嘅鲜味。食到批边既时候，有惊喜，原来批边搽左蜜糖，甜丝丝嘅味道布满口腔，超正。日式章鱼小丸子 ：小丸子热辣辣，口感外脆内软，木鱼足够。烧汁配以沙律酱，又甜又咸既口感，好特别。韩风紫菜薯条：薯条外观粗身，炸到金黄色，紫菜足够，平均晒在每条薯条上，调味适中。食完先发现原来2人套餐经open rice订座有85折优惠，套餐包括凯撒沙律、芝加哥薄饼，双并都得、意粉或炸鸡一客、饮品2杯。真系好想再嚟挑战多一次呀。🔍: Mr. K Pizza N Chicken