全記海鮮菜館

营业中

休息中

以前同男友行西贡见到d海鲜舖400几蚊就有个二人餐，好似好抵咁，一直都想试下。于是今次就决定黎西贡食海鲜庆祝纪念日!睇左好多单张，加埋之前睇openrice见全记都唔错，于是就拣左呢间!我地叫左$478嘅二人餐，拣4个𩠌，送一碟菜同埋糖水/生果盘。第一样系芝士龙虾伊面，芝士味浓好香，龙虾都几鲜。平时唔会食龙虾伊面既我都竟然中意食😂 不过就略嫌份量少...之后系我恨食好耐既元贝! 唔错既几香几好食，不过我以为会有几只，点知真系二人餐，一人一只😂第3样系蒸鱼，蒸鱼一向系我最爱既海鲜! 呢度既蒸鱼系"䲝鱼"，食落肉唔够滑，不过应该系本身呢种鱼既肉就唔系太滑。但还是不错的。跟住系送既一碟西生菜! 用蒜蓉整，好香好好食! 连我男友平时唔钟意食菜都食呢个!最后黎既，系豉椒炒蚬。呢个要催佢佢先黎，可能唔记得左。唔知系咪赶住上碟，有d蚬未开，唔够熟，好彩得几粒未开😭 食落好惹味😁最尾我地拣左糖水 - 红豆沙。应该系陈皮红豆沙(？) 好香陈皮味，又够沙，好好食!另外想提既系，全记既服务态度唔错。催佢碟𩠌，佢催完厨房会话返你知，隔一阵又留意你张枱碟𩠌到未。礼貌都很好!整体黎讲，呢餐食得开心，味道也不错。唯