肥牛火鍋海鮮酒家

营业中

休息中

由于冷峰突然袭港，你话唔识间嗱嗱临去打个边炉边对得住佢。终于同友人去试咗肥牛既牛杂锅，由于我哋都唔系太肚饿，所以我哋叫左一份大既牛脊肉加秘制牛杂锅嘅孖宝。牛脊肉$288加牛杂锅$108 （原价$188）变相平咗$70😉如果唔叫呢个孖宝系可以任何汤底任何火锅配料全单八折。如果会叫好多嘢食其实全单八折系会仲抵😆牛杂锅里面有牛膀，牛肚，牛肺，牛筋，牛肠，萝卜，仲有少量芫荽。全部啲食材喺浓郁嘅汤底之下都好入味，尤其是个萝卜😋 目测都有7-8件本人尤其钟意食牛肚，咬落去啲汤汁渗出来，有满满幸福嘅感觉😍𠮶碟牛脊肉本身肉味都好浓，而且唔太肥，灼一灼再挂上牛杂锅嘅汤汁简直有画龙点睛之效😍 我地2个人食左碟大既都觉得下次可以encore!总括而言，我哋嗌左一个孖宝，一份唐山菜，两支大嘅青岛，买单$555⋯⋯ (280 一个人打边炉, 我觉得都十分唔错)有机会绝对会再嚟😄😁P.s: 可以外卖牛杂锅汤底返屋企打边炉$190同埋要注意，餐厅入面可以食烟，所以如果介意者就要留意。