圓老爺雞煲小廚 (已結業)

呢两日元朗特别静，但住元朗嘅我地冇得避，行行下有个后巷位有间小厨嘅门口吸引左我。佢系小厨，但个餐牌啲字迹同logo又好似好年轻。既然个名都写住系鸡煲，咁一定要试试佢个鸡煲啦。我地啦左重庆麻辣鸡煲，小辣，佢个酱较到好香，又唔太辣，但好够味，而佢啲鸡都好滑。👍🏼👍🏼👍🏼原本想嗌椒盐九肚鱼，但老细话休鱼期冇得食，推介我地食鲜鱿。热辣辣上到嚟，香脆，而椒盐已经均匀咁撒左上去，味道岩岩好。只系鲜鱿似乎系冰鲜嘅，冇鲜味。另外嗌左呢个金寸骨，真心嚟到呢度真系要试，热辣辣上到嚟又系脆卜卜，啖啖肉，好香口。男朋友话，一间小厨大排档好唔好，嗌个小炒王试下就知。睇图，唔洗我讲都已经好吸引，佢啲韮皇好嫩，好好食好够味。啲菜铺鱼干鱿鱼虾仁都系新鲜嘅，唔系啲摆左好耐卖唔出炒埋一碟嘅嘢。呢个小炒王绝对可以𩠌两碗饭。菜方面就嗌左个金银蛋苋菜，清清地，咸蛋好香，啲菜都好嫩。总括系呢个小厨啲嘢好新鲜，绝对可以encore。下次我想试埋佢个酸菜鱼🤣。