人和月雞煲火鍋店 (已結業)

行过海防道见到有宣传，上到嚟见环境都几干净，就坐低拣咗晚市精选牛肉吃到饱 $298头盘——味鲜卜卜蚬 蚬几大只，数量亦唔少，最重要系无沙！虾都爽口，新鲜好食。锅底——药膳养生牛奶锅药材几多，有党参（？）、枣等等，可能有奶味平衡番，唔会太重药材味，最尾打完边炉个汤超好味。牛拼盘可以一次试晒所有牛，我主要食严选牛板腱，好食，一啲都唔韧，淋滑有牛味，正。嫩滑脘鱼片 嫩滑无骨，而且唔会碎湿湿，满意。花雕醉鸡件呢个有惊喜，熟咗都仲食到花雕味，鸡竟然都仲嫩滑，嘴刁嘅朋友都话「啲鸡几好食㖞」👍自取食物的蔬菜全部好干净，粟米劲甜，芋泥贡丸好多芋泥，芋头片超粉。甜品有雪糕不过我无食，自制咗个黑白配（仙草冻+豆腐花），外面糖水铺起码都要$40，呢度自己整埋超抵🤪。