影片
更多
2018-01-29
1117 浏览
小弟生日，就唔喺老婆带我食好嘢，而喺由我带佢去食好嘢，始终揾食我就叻佢少少。之前，曾同佢及朋友食过一家放题店，仲包埋浜烧，佢颇喜欢呢类食法，再者，佢戒红肉，食海鲜就选择多番啲喇。最后，拣上「福丸」，一来见其风评不俗，二来近西铁，我哋返美孚都喺5分钟车程。一出电梯，门面装修非常有特色，半立体木鱼船满载渔获，更标明海产由日本直送。如果制作成三维立体画，俾啲客人企埋去影相，就更有卖点呀！餐厅占整层楼全层，地方非常之大，一入门口，左边大大个木柜放满一支支清酒，虽然小弟唔好酒，亦对酒唔太认识，但睇见都好有霸气。再走入啲，分割咗几区，先喺有右边嘅开放式厨房，一直排鱼池放咗龙虾、鲍鱼……等等海鲜。然后，仲有多种直送日本鲜鱼、贝类，鱼生柜放满唔同嘅刺生，几位师傅密密做刺身、寿司。而周围设有类似个室嘅卡位，但是晚虽然喺闲日，都几爆场，所以，呢类个室都一早无晒，我哋则被安排另一边嘅2人座，当然唔及啲卡位正，但感觉都蛮舒服。餐枱嘅面积亦较一般嘅大，就算枱上已摆放浜烧用嘅专用火炉，以及酱油、用具……等等，都唔会感到太逼。晌门口等安排入座时，就略略扫描一次个餐牌有咩美食选择。期间限定食材、刺身、寿司、卷物、浜烧
一出电梯，门面装修非常有特色，半立体木鱼船满载渔获，更标明海产由日本直送。如果制作成三维立体画，俾啲客人企埋去影相，就更有卖点呀！
餐厅占整层楼全层，地方非常之大，一入门口，左边大大个木柜放满一支支清酒，虽然小弟唔好酒，亦对酒唔太认识，但睇见都好有霸气。
再走入啲，分割咗几区，先喺有右边嘅开放式厨房，一直排鱼池放咗龙虾、鲍鱼……等等海鲜。然后，仲有多种直送日本鲜鱼、贝类，鱼生柜放满唔同嘅刺生，几位师傅密密做刺身、寿司。
而周围设有类似个室嘅卡位，但是晚虽然喺闲日，都几爆场，所以，呢类个室都一早无晒，我哋则被安排另一边嘅2人座，当然唔及啲卡位正，但感觉都蛮舒服。
餐枱嘅面积亦较一般嘅大，就算枱上已摆放浜烧用嘅专用火炉，以及酱油、用具……等等，都唔会感到太逼。
晌门口等安排入座时，就略略扫描一次个餐牌有咩美食选择。期间限定食材、刺身、寿司、卷物、浜烧、下酒小食、铁板烧、烧物、炸物、天妇罗、食事、锅物、甜品、多款酒精及非酒精饮品，种类而言，一应俱全，绝大部份菜式均图文并茂。
上文都讲过，酒品小弟真喺唔多好，但轻酒精类嘅饮品就间唔时会试吓。晌饮品部份，见有多款生果味嘅汽酒，款款卖$38，呢样我又几有兴趣一试。
菠萝汽酒 $38饮得出喺用新鲜菠萝做，因为，有微微果肉混晌汽酒内。饮一口，酒精度唔高，加上有菠萝嘅清甜味，非常之易入口，冰冰凉凉，好啱一阵食浜烧时配合。
菠萝汽酒
$38
23 浏览
0 赞好
0 留言
白饭鱼干 $38曾经试过一次，觉得几得意，推荐俾老婆试，佢亦喺店方推介嘅小食。将啲白饭鱼压成薄片再烧香，口感脆到不得了，有点点鱼香，不过，好似一阵风咁转眼食鬼晒。
白饭鱼干
$38
49 浏览
1 赞好
0 留言
啲茄子肥嘟嘟，上枱时已去晒皮，睇外观似喺烧完先去皮，咁又多花咗功夫。入口好腍滑，淋上酱油及洒下木鱼碎，佐酒都几唔错。
晌出面嘅鱼鲜柜影相时，睇见啲鱼鲜闪𫞠𫞠，店长话啱啱返咗啲靓鱼，问我哋有无兴趣，佢就推介一款日本红衫，话有鱼味得嚟肉质够滑。
烧日本红衫 $268卖相方面，烧得几靓仔，加埋啲伴碟，整体感觉喺唔同晒，夹一小片鱼肉，外皮烧得香脆，鱼肉确喺有质素，唔沾酱油都已经好食。
既然一心嚟食浜焼，主菜重点就梗喺放晌啲海鲜度。有多种海鲜供选择，单点定价亦唔算贵，不过，当然计落都喺个「福丸浜烧盛合」最划算，跟张相咁，有齐咁多种类及数量嘅海鲜，啱晒我哋两口子啦。
福丸浜烧盛合 $428一份盛盒共有4款海鲜食材，包括：帆立贝、生蚝、 活鲍鱼、大蚬，睇见啲外观、色泽都已觉得货色新鲜。全程会由店员负责烧烤，真喺只需等食就可以。
福丸浜烧盛合
$428
22 浏览
0 赞好
0 留言
虽然无讲明会唔会喺北海道货色，但睇样都觉得具质素，烧到咁上下，就加啲清酒同些少酱油，收番干啲就食得。带子食落弹牙、爽甜，带微微酒香。
大蚬烧大蚬就比较简单，就喺斋烧，烧至开壳并收干少少水份就搞掂，仲要剪走一边壳摆得靓仔啲先上碟。由于无加任何调味，食得出蚬肉嘅原生鲜味，蚬肉饱满，更有海水嘅咸鲜味，所以，咪唔使调味啰。
鲍鱼鲍鱼比较需要多啲时间去烧，所以，晌烧大蚬嘅同时，亦烧紧鲍鱼。啲鲍鱼会唔会喺南非货呢？就算唔喺，都喺有水准嘅货色，烧香之后，店员更会剪成小件，一口一件，方便食用。鲍鱼入口烟韧富弹性，鲍味突出，又带点焦香。
生蚝外间好多做浜烧嘅，都会加蒜蓉、葱花去吊味，呢度就少搞依类花巧嘢，务求令食客品尝到海鲜原味。烧生蚝亦然，只加过丁点酱油。烧完嘅蚝无乜点缩水，蚝肉有肉地，质感嫩滑，蚝味不俗。
晌烧物一栏，小弟见到有一夜干，仲可以有半条叫，不过，老婆见其中有一道银鳕鱼，喺佢嘅至爱「飞弗」，已经好想点，所以，有机会先再会一夜干。
银鳕鱼西京 $168百几蚊一客，算几大块，而且，烧得焦香，摆盘亦都颇有意境。边边一抹就喺金山寺味噌，净食确喺几咸吓。至于啲银鳕鱼，入口嫩滑无比，鱼肉细致，且极之油润，喺好有质素嘅银货色。
银鳕鱼西京
$168
47 浏览
2 赞好
0 留言
菜稻庭乌冬 $68
作为晚餐嘅最后，食事就拣咗稻庭乌冬，乌冬嘅口感好滑溜，咬落又有少少烟韧感；野菜有啲冬菇、本菇、黄牙白、露笋，都喺富天然味嘅健康食材，而汤底清带甜，感觉约清新，饮到差唔多一滴都无。
野菜稻庭乌冬
$68
30 浏览
1 赞好
0 留言
福来丸 $78嗜甜如我都比较少无甜品作结，而且，难得老婆都话好胃口，就一于拣只「福来丸」试试。
「乜乜丸」明显就喺以渔船为名，所以，上枱时都喺成只「船」送上嚟。船内有3款蕨饼（原味、绿豆粉、抹茶味）、1款柏饼、3款雪糕（山葵味、云呢嗱味、红豆味），喺一只非常多「渔获」嘅渔船。啲蕨饼几好食，软软糯糯，个人较钟意洒绿豆粉；柏饼第一次试，有啲似豆沙糯米糍；雪糕方面，山葵味估唔到OK㖞，层辣味只喺隐隐若若，点到即止而已，最爱都喺红豆味雪糕，清甜坚红豆味浓。
无论啲佐酒小食，抑或啲浜烧、银鳕鱼，都食得称心。临尾嘅甜品，更喺一客里面试到多种唔同嘅口感及味道，性价比高。再者，招呼熨贴到位，不时帮忙添水、换碟，可谓推心置「福」，令我俩整晚都舒服自在！
张贴
