掂檔車仔麵 (已結業)

本身今日约左朋友出尖沙咀，点知佢迟大到，为有一个食住得佢出黎。一个人都系是旦揾野食，点知比我见到呢一间掂档车仔面。佢名乎其实真系非常掂档。一黎系尖沙咀黎讲价钱亲民，二黎选择又非常多，三黎小食正，仲有环境舒适，卫生好。由于我非常肚饿又有好多野想食嘅关系，所叫咗个全日套餐自选车仔面我叫咗五个𩠌 哈哈......有猪红，鱿鱼，猪肠，鸡翼尖，牛栢叶配油面小辣，跟住再加咗8蚊加碟青瓜。虽然叫左5个𩠌，但𩠌既份量唔会因为咁而少左，猪红有咬口，唔会淋滋滋，一咬就烂；鱿鱼同牛栢叶都好爽口，吸晒啲汤汁好味；鸡翼尖用卤水汁整，好有卤水香又唔会太咸，如果成碟咁上我会食晒佢；猪肠洗得干净，唔会啡有臭腥味。因为第一次食掂挡，所以唔知佢辣嘅程度，所以保守叫咗小辣，结果唔算太辣，下次可以再叫辣啲。青瓜小食好青甜爽口，食完个面再食青瓜有种好清新解油浰嘅感觉。食到咁上下，见到隔离枱叫招牌推介山寨鸡翼，我都忍唔住叫左2只试下。鸡翼新鲜炸起，炸到脆卜卜，肉质嫰滑面头仲有d香草，非常惹味。