Rimi Cafe (已結業)

收工冇野搞想去扫街，食左几间唔够饱，就系附近想揾间餐厅食番个晚餐。可惜登打士街成条街都系cafe。一向都唔好cafe，因为主要都系啲靓仔靓妹上去打牌，食物通常都伏。不过为左医肚，见到呢间有大大块烧猪肋骨食，作为食肉兽，好吸引，就拣左呢间。呢间野有两个单位，我张枱就去左细啲果边，但系都好啊无咁嘈，又无咁多人。我同朋友两个人，叫左烧猪肋骨配薯菜加$38可以有埋餐汤+蒜蓉包+饮品+是日蛋糕，好似好抵食。两个人食完唔够饱，所以另外仲叫左个烟三文鱼薄饼。BBQ烧猪肋骨几好食，果然无失望。酱汁调得唔错，猪肉烧得够离骨，容易咬，配既沙律、薯菜同红萝卜仔都好好食。烟三文鱼薄饼够厚身，够晒饱肚。餐汤系蘑菇汤，足料，唔会全部都系水。蛋糕系朱古力蛋糕，好有可可味，唔会一味甜。原来楼上cafe食物都可以咁高质，令我对cafe改观。