問卷手卷專門店 (已結業)

上个星期六去咗葵广扫街，假日嘅葵广真系多人到年宵咁😂由于太肚饿，第一站就去咗 位于地下𠮶层嘅「问卷」！上个月见💛Youtuber - Sunny arho 同 Creamy 有介绍过佢地嘅海胆手卷，所以今次亲身黎试下！本身谂住叫有2款海胆（加拿大产同马冀海胆）系同一个手卷嘅《加马胆手卷》，点知冇晒加拿大海胆，唯有下次再试啦！最后嗌咗一个《三文鱼海胆手卷》、一个《半板马冀海胆手卷》。最后埋单大约80几蚊，都唔系特别平㗎，不过胜在啲海胆同三文鱼又真系几新鲜。本人好怕食海胆食到苦腥味，呢度嘅海胆算唔上好鲜甜，不过都对得住个价钱，最重要系食到一半都仲依然食到少量海胆。三文鱼海胆手卷就更加出色啦，老细有推荐我哋加少少钱转三文鱼腩，不过我觉得三文鱼系配角就冇特登加到。呢款手卷明显食到手卷底部都仲食到三文鱼！都几足料！我略嫌块紫菜唔够爽脆，揸喺手冇耐就已经好难咬开🥲不过整体质素同CP值都属于中上，唯独美中不足系需要企喺舖头旁边食，星期六日人流多嘅时间，都几狼狈，如果住得近嘅朋友嗌外卖返屋企食可能会更加好啦！👍🏻👍🏻