烤焗工房

营业中

休息中

是日去旺角扫街，第一站去旺中入面试新野。店面细细，但食物种类多多，见到炸野见到芝士，都知入面嘅小食极邪恶，选困难症真系纠结左好耐先做到决定。店入面都几多人，不过等左10分钟左右就有得食，都唔算太耐。点左份炸墨鱼条，新鲜炸起，非常香脆，同泰式辣椒酱好夹，酸酸辣辣减低油腻感。馅料都算多，墨鱼粒几爽口，水准不错另外点左芝士墨鱼仔，芝士超多，老土都要讲句真系好邪恶呀！墨儿仔份量唔小，爽口但就唔太觉有鲜味，可能芝士太浓味，掩盖哂其他味道。店内比较挤迫，不过企住食都系扫街乐趣之一，店舖种类多，而且食得出新鲜即制，几有heart，支持！