屋喔 (已結業)

Sogo感谢祭梗系要扫下货，今晚放工一个人行完街揾地方食饭，喺商场门口就有人派左呢间餐厅既传单比我，见几抵食又未试过终于上左去，等左一阵就有位。点左一set台式家常晚餐: 古早味三杯鸡 $98 (配鱼汤时菜、前菜及白饭+配送$32或以下饮品一杯）。鱼汤时菜不过不失。前菜有3款选择（嫲嫲酱油鸡翼/麻辣牛舌/台式糖心蛋），我拣左嫲嫲酱油鸡翼。鸡翼系冷盘，酱油浸住鸡翼够入味。古早味三杯鸡一睇就知入味，肉质就唔算嫩，酱汁味道甜甜地，拌饭食唔错。配左杯荔枝玫瑰绿茶（$34），补左$2。卖相都几吸引，果汁沟绿茶味道唔会太甜，都几解渴。