瀛素食 (已結業)

小弟同宝宝一齐去油麻地揾食，先觉得原来油麻地系揾食好地方，之前同宝宝讲想食清清地，又行过见到素食店，啊，好似都几出名，就入去品尝品尝。坐低睇餐牌，几得意㖞，系有素食寿司，又有小菜粉面饭，唔讲以为去咗大牌档。宝宝话食咩都无所谓，咁就小弟发板。两个人叫咗三样嘢，先上菠萝咕噜肉，旧「咕噜肉」一咬就知系菇嚟。老实讲，系1d都唔似咕噜肉。但系旧菇都煎到好香口，食菇都好味嘅。跟住系上干炒牛河，素牛食落都唔错嘅，河粉就好有牛河味，小弟我就好钟意。跟住就上软壳蟹寿司，呢碟我同宝宝都畀满分，原因系软壳蟹香口松脆，口感似真寿司。总结，呢间瀛素食尚算合我心意，好味。宝宝就话咕噜肉麻麻，其他都ok，埋单又唔贵，三百蚊有找。钟意素食嘅你，可以试吓。