影片
更多
2010-12-29
296 浏览
由年头知道ABC，年中都订个两次枱，不过都full house，亦知道walk in都只会摸门钉，所以一路都系waiting list既餐厅。搅下搅下到而家年尾，再次记起呢到，亦终于订到枱，有机会食到呢间熟食街市西餐。睇见咁多食评，乳猪系今次既目标。红色格仔好易认，坐底睇见餐牌，前菜主菜既选择都系四至五样，样样都想试下，黎一次扫餐牌。先黎香草餐饱，上枱果阵热辣辣，几软熟下，食落有淡淡香草味，好吃，以餐前饱黎讲，当然收货。蓝莓芝士合桃沙津，蓝莓芝士一pat pat系个碟到，卖相已经麻麻地，蓝莓芝士亦味唔太浓，奇怪，仲有d合桃，唔多脆口，唔系太特别的一款沙津。前菜叫左鹅肝，食落几肥下，皮煎得唔太脆，脆d会更好。另一款系西班牙小食并盘，奄列粉粉地，蛋煎得有点老，火腿好软，一分钱就一分货吧，仲有d茄汁豆，印象唔太深既一款前菜。Starter仲有叫左三文鱼子蟹肉云吞，呢款睇卖相就最似样，食落唔知边d系蟹肉，不过个汁就有几重蟹粉味，好味。到主菜，当然有今次目标乳猪，个皮非常之脆，好似薯片咁样都无夸张，个肉几肥下，肉亦腍身嫩滑，个底既薯容也不错，很有水准既西班牙乳猪，好似$118蚊，这水准计都几相宜
先黎香草餐饱，上枱果阵热辣辣，几软熟下，食落有淡淡香草味，好吃，以餐前饱黎讲，当然收货。
蓝莓芝士合桃沙津，蓝莓芝士一pat pat系个碟到，卖相已经麻麻地，蓝莓芝士亦味唔太浓，奇怪，仲有d合桃，唔多脆口，唔系太特别的一款沙津。
前菜叫左鹅肝，食落几肥下，皮煎得唔太脆，脆d会更好。另一款系西班牙小食并盘，奄列粉粉地，蛋煎得有点老，火腿好软，一分钱就一分货吧，仲有d茄汁豆，印象唔太深既一款前菜。
Starter仲有叫左三文鱼子蟹肉云吞，呢款睇卖相就最似样，食落唔知边d系蟹肉，不过个汁就有几重蟹粉味，好味。
到主菜，当然有今次目标乳猪，个皮非常之脆，好似薯片咁样都无夸张，个肉几肥下，肉亦腍身嫩滑，个底既薯容也不错，很有水准既西班牙乳猪，好似$118蚊，这水准计都几相宜，睇黎系黎呢到必叫既一款。
到牛扒，食落口既感觉有点怪，软腍腍好似梅梅地，友人以某快餐店早餐扒黎形容系极之贴切，系不合我地既心水既牛扒。
到比目鱼，白雪雪好似无咩味咁样，个汁食落几特别下，鱼就稳阵，软软腍腍。
仲有一款系烧鸡，见以前食评系春鸡卷，好似几吸引下，而家换左系烧鸡，鸡肉几多汁，食脾既关系，够哂滑，个汁好夹个鸡，几好食既烧鸡。
见好多人都有食西班牙海鲜饭，亦叫左一客试下。几大兜下，海鲜都唔少，样样有d，同平时食既海鲜饭有少少唔同，平时食既西班牙海鲜饭有少少辛口，呢到既系丁点儿辣味都无，饭几干身，其实也不错的。
到甜品，原来可以并盘上，叫做样样有d。 红桑子饼最好，加埋d cream一齐食，很不错，油条几特别下，其他果d千层酥、梳乎里、apple crumble就相对普通。
店有红酒供应，睇电视机学既，支酒好舒服。自带红酒都可以，好野。
西班牙烤乳猪真系唔错，系值得推荐，其他就有d参差。环境系熟食街市，想像得到既。服务亦唔可能要求味味都换下碟，系可以接受既。整体很不错，满意。
张贴
