慶記 (已結業)

周末放假就梗系要周围揾嘢食喇～原来大角咀利奥坊开咗咁多食食肆，见到呢间庆面仲有下午套餐，又唔系太多人，就入去试下喇。红烧猪软骨汤饭（$54）- 劲大碗，仲有三大旧又腍又入味嘅猪软骨。汤底仲几多饮，唔经唔觉就食晒成个汤饭，真系劲饱。香稣排骨拼卤肉庆面（$60）- 个排骨系即叫即炸，唔怪得食落非常之酥脆。排骨大大嚿，仲好juicy添。另外庆面好烟韧弹牙，配上卤肉口感更佳。热玫瑰花蜜 （+$12）热桂圆蜜 （+$12）生煎胡椒包（$26）- 第一次食咁有胡椒味嘅生煎包，嚟到热辣辣，仲有好多汤汁，争啲辣亲嘴。胡椒味好重，食到尾仲觉得有啲辣。而生煎包底都煎到好脆身，真系非常美味。xo酱蟹肉小笼包 （$35）- 小笼包皮薄馅靓，拎起时都惊吉穿。除咗有热辣辣嘅汤汁外，馅料嘅蟹肉同XO酱嘅味道都好夹，一定要试。