新景園咖喱小廚

营业中

休息中

今日lunch去食呢排好出名嘅咖喱猪扒，真系没有下次，好奇点解最近神到上神台。1点10分去到排队已经有超过20人排，默默地同男朋友排咗超过一个钟先有位，呢个时候已经谂系咪神到寿司郎咁，结果当然唔系。基本上真系唔值得排咁耐。最令人惊奇应该系佢好大碟，但质素只系正常，普通嘢，好多茶记或者冰室都做到。午市都无套餐无餐饮，人均最低消费$78，一个咖喱饭承惠$94，一杯冻饮$20，外卖盒$1。之后因为啲猪扒太大旧想攞把刀切，无刀。叫咖喱鸡，无鸡，话转鸡扒，猪扒饭差唔多食完先嚟。然后个碟摆明仲有半碟，好似催你想赶你走咁，坐低半个钟都无。隔离台叫阿华田都无。听得出好多嘢无晒但系佢地沟通得唔好，无论系坐低嘅客或者排队嘅都唔知，搞到劲混乱。正常茶记，我会觉得几好，但系要我地排一个钟食$94蚊无餐饮嘅茶记咖喱真系不了。