鳥華亭

营业中

休息中

朋友睇咗某个频道嘅介绍话要去呢间拉面试一试，我哋6:45pm到已经好多人排队，足足排咗一粒钟先至可以入去。最难受嘅系，呢间舖头系垃圾房隔离，咁啱𠮶个时间有垃圾车嚟倒垃圾，所以非常之难顶，同埋非常之倒胃口。至极鸡肉拉面其实系冇乜特别，鸡肉只得𠮶几块，面嘅份量都算多，但系唔代表好食。至极拉面里面有一粒价值$12嘅鸡蛋，但系好可惜呢粒鸡蛋非常之咸。从来冇食过日本拉面嘅鸡蛋系咁难食嘅，其实我哋都唔知呢间系咪一间正宗嘅日本拉面，因为里面全部都系「外籍人士」为你服务，一个日本人或香港人都冇，唔知以为自己去咗芒果干国家。唔知点解拉面煮得非常之慢，我哋落咗order之后，其实都等咗好耐碗拉面先至到。可能就系因为拉面煮得非常之慢所以我哋先至要等一个钟啦。我哋都有order炸鸡同埋饺子，炸鸡比起普通气炸锅炸鸡难食，因为皮好厚同埋好油，一啲都唔脆。饺子只系普通嘅饺子，冇特别啰。奉劝大家如果因为睇咗某个频道话一定要试都要三思因为你要预咗等好耐，同埋要预咗你会失望而回。总括来讲我觉得一个字……..「伏」。