波記燒臘粉麵店

营业中

休息中

今日难得返嚟港大呢头点可以唔嚟波记回味一下呢？ 😝以前大学时代几乎每个星期都会嚟一次，虽然价钱唔算话好平，但系性价比依然高、快靓正！👍🏻今日开舖冇耐就嚟到，未到食晏时间，所以唔洗排队😙 今日想食啲湿湿地嘅嘢，叫左碗烧鸭濑。烧鸭嘅皮依旧烧得脆，带有碳香味，鸭肉亦非常嫩一啲都唔鞋，濑粉就正正常常啦，配埋个唔会太喊嘅清汤，成件事实在太浪漫啦，大学回忆返哂嚟！😜☺️朋友就叫咗叉烧烧腩饭，半肥瘦嘅叉烧啱啱好，烧肉嘅皮非常香脆，啲肉唔会太瘦太干，再配埋好多姜蓉，送饭真系一流😍最后提提大家，如果想食新鲜嘅好味嘅烧味强烈建议大家食晏时间嚟，因为有时晚市嘅质素会有少少落差，唔会好晏收舖，卖剩嘅货尾🙈